قصيدة شاب بعد وفاة والدته.......(مؤثرة)

[mẨřЎặm..εïз]

’’



بسم الله الرحمن الرحيم



هذا الشاب تعرض لحادث وكانت أمه معه

فتوفيت وبقي هو علي قيد الحياه وجاءه أصحابه لمواساته فكتب هذه القصيدة:

:
:

يواسيني وانا الميت وحالي يجبر الدمعات...............تســيل من الذي فيني ويبكي وهو يواسيني

وانا ابكي واتنهد وارسم بالحزن لوحـــــــات...............يجبروني عشان امشي ورجلي ما تمشيني

قتلت رعايتي بيدي قتلت الحب والرحمـات...............حرمت النفس من حقها وانا ابكيها وتبكينــي

وكنه حلم قدامي يقيدني من الصرخـــــات...............ابي اصحى ولكني عجزت القى من يصحيني

فداك القلب يايمه ومهما قلت من كلمـــات ..............صغيره في كبر حقك بس اتمنى تعذرينــــــي

نهبت الفرح من بيتي صحيح اني خسيس الذات........صحيح اني ولد طايش وكل ما أسمعه فيني

تجول عيونهم فيني تفصل مني قياسات ................وتشيح وجوههم عني وكني غيرت في ديني

يظنوا حزنهم اكبر وهم اصحاب هالمأساة ................وانا اتحدى اذا فيهم ربع ما يحترق فينـــــــــي

نقص قدري بعد موتك وغابت نشوة اللذات ...............وصار الهم عكازي اباكيــــــه ويباكينـــــــــــــي

عطيتيني بدون حساب ولا سمعتك تقولي هات .........وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات ............واقبل ايدك ورجلك وافرش لك رمــــش عينــي

يايمه ما تحملهم يقولوا فات ما قد مات ..................تعالي غيري هالقول واطيعك باقي سنينــي

واترك عادة التدخين وانفذ ما تبي بسكات .............واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات ..............ابيك انتي ولا غيرك على موتـــــــك تعزينــــي

وضميني وداويني مثل ما كانت الهقوات .................ما ابي احدن يواسيني ابيك انتي تواسينــي

دخيلك بس لا تبكي اذا شفتي بي الدمعات ............انا مقـــــوى ابكيــــك اذا انتــــي تبكينـــــي



منقووووول


,,,